LEGAZPI CITY-Pig-ebakwar na an nasa 31 pamilya sa Purok 6 Barangay San Roque Malilipot Albay huli sa padagos na aktibidad kan Bulkang Mayon.
Segun kay Punong Barangay Mario Bilolo sa sa intrevista kan Bombo Radyo Legazpi na pigebakwar na ninda an mga residentes sa San Jose Elementary School.
Nasa tulong rooms man an saindang evacuation kun sain padagos na pigbabantayan kan mga barangay officials.
Sa presente wara pang pigpapanaong relief assitance sa saindang evacuation area.
Piglalaoman man na maebakwar an haros labi sa 700 na mga residentes na sakop kan 7m – 8km danger zone enkaso maglangkaw pa an alert level kan Bulkang Mayon.
Dugang pa kan opisyal na permihan man sindang nakahanda ngani magin maayos an mga residentes sa evacuation area mantang challenge ini para sa saindang barangay.
Kahagadan man niya na warang madiskwido huli sa pagalburuto kan Bulkan Mayon.
