LEGAZPI CITY-Nasa 1, 877 na mga pasahero an stranded ngonian sa mga pantalan sa Bicol Region huli sa Bagyong Ada.
Segun kay Office of the Civil Defense Bicol spokesperson Gremil Naz sa intrevista kan Bombo Radyo Legazpi na nagsasagibo na sinda nin pre-disaster assesment asin posibleng magkaigwa na nin pagebakwar orog na sa mga nasa high risk na lugar.
Afuera sa mga stranded na mga pasahero, nairehistro man an nasa 901 stranded vessels asin 10 iba pa sa mga pantalan sa rehiyon bikol kun sain 756 digdi hale sa Matnog port.
Nagkapira man sa mga pantalan an nagkansela na nin byahe alagad pigbeberipika pa kun may abiso na nin kanselasyon kan byahe sa provincia kan Masbate.
Katuwang man suboot ninda an iba pang local government unit asin an Department of Social Welfare and Development para sa pagtatao nin asistensya sa mga na-stranded na pasahero.
Dagdag pa kan opisyal na susog sa forecast kan Phivolcs, na enkaso mag-recurve an bagyo asin maglaog an amihan, posibleng maraot an sirkulasyon kaini.
Mientrastanto, nagabot na sa 1, 114 na mga pamilya o 4, 088 na mga indibidwal an mga mayon evacuees na presenteng nagtetenir sa evacuation centers sa Albay, kabale an Camalig, Ligao, Malilipot asin Tabaco.
Sa presente wara pa nin anumang untoward incident na nairehistro an ahensya.
