Nagpahayag nin reservation an nagkapirang senator-judge sa naging desisyon kan Senate impeachment court na magpaluwas nin subpoena para sa bank records, tax records, asin mga dokumento hali sa Anti-Money Laundering Council (AMLC) ni Vice President Sara Duterte asin agom na si Atty. Manases Carpio.
Segun ki impeachment court spokesperson Atty. Regie Tongol na nagsunad nin magkasuway na manifestations sinda Senator-Judges Alan Peter Cayetano, Pia Cayetano, Loren Legarda, Imee Marcos, asin Camille Villar katakod kan nasabing subpoena.
Piglilinaw man kun nagsunad nin manifestation si Senator-Judge Bong Go.
Para ki Senator Imee Marcos, kontra siya sa pagluwas nin subpoena para sa mga financial record kan bise presidente na nakakasakop sa panahon antes ini maging Vice President.
Nagpuon sana an termino ni Duterte kan Hunyo 30, 2022, kaya an nangyari suboot antes an petsang ini an dae pwedesir na pagbasehan kan impeachment kontra saiya.
Dugang pa ni . Marcos, kung may mga isyu dapit sa yaman na natipon ni Duterte antes magtukaw sa pwesto, dapat ining dangugon kan regular na korte asin bako sa impeachment court.
Segun man ki Senator Camille Villar na alagad pigbibisto niya an impeachment court na mag-isyu nin subpoena, dapat limitahan an mga dokumento na hahagadon sa panahon kan pagseserbi kan sarong impeachable official, susog sa nagin desisyon kan Korte Suprema sa kasong Duterte v. House of Representatives.
Enot na man na nagpahayag nin pagkontr5a si Senator-Judge Robin Padilla sa pagpapasubpoena sa financial records ni VP Sara.
Paliwanag kaini na kun ini an magigin pamantayan, dapat man na buksan an bank records kan gabos na impeachable officials.
