LEGAZPI CITY—Nagrereklamo an nagkapirang pasyente sa serbisyo kan Eastern Bicol Medical Center sa probinsya kan Catanduanes.
Segun ki Jun Obusan Torres kan TODA Virac, sa intrevista kan Bombo Radyo Legazpi, na dakol an nagrereklamong pasyente huli ta limitado suboot sana an mga pasyenteng pig-akomodar kan ospital.
Dugang kaini na dakol na pasyente an nagrereklamo na kun saen an nagkapira digdi nagbaba pa gikan sa kabulodan asin mapasiring sa ospital para magpakonsulta alagad huli sa suboot na salang pasistema dae sinda naaakomodar.
Saro ini suboot na kadificilan para sa mga nagtitios huli ta puro sa mga ospital sa Catanduanes mga pribado, asin an Eastern Bicol Medical Center na sarong government hospital piggigibo na suboot na semi-private na institusyon na kun saen nadi-discriminate an mga tios.
Nakikihuron man an opisyal sa nasambit na ospital na ayuson asin akomodaron an gabos na pasyente huli ta dae man nagkukulang an gobierno sa pagtao nin subsidy asin grants.
Mientrastanto, naghihingoa man si Torres na magkaigwa nin ospital sa Catanduanes na may kalidad asin may malasakit sa pag-akomodar sa mga pasyente lalo na sa mga tios huli ta karapatan kan sarong indibidwal na magkaigwa nin maray na salud.
