LEGAZPI CITY – Nagkondusir nin power forum an National Grid Corporations of the Philippines (NGCP) ngani na mai-eksplekar an nagkapirang concerns kan publiko.
Diniskuter ni Atty. Cynthia Perez Alabanza, head kan Corporate Communications and Public Affairs Department an nagkapirang plano kan ahensya sa pagpapakarahay kan saindang power delivery sa Bicol Region.
Pigbuyagyag man kan opisyal na dakol na pinag-agihan an ahensya antes na naisakatuparan an mga proyekto sa Eastern Albay kun sain isinalang ini sa energy regulatory commission asin natapos kan 2010.
Pigduon man ni Alabanza na dakol na pig-aagihan na confirmation an NGCP kaibanan na an validity asin impact sa konsumidores kan paghahatod kan enerhiya.
Pribadong kumpanya suboot an NGCP kaya dae pwedeng maghiro na warang approval kan PRC.
Mientrastanto, nagkainitan man kan kuwestyunon kan nagkapira an pagkukulang suboot kan ahensya sa pagpapailaw sa nagkapirang lugar urog na sa mga isla.
Depensar kan opisyal, interconnection an saindnag goal alagad bako sa gabos na pagkakataon nakokonekta an mga isla huli ta bako ini abilable para sa gabos asin igwang porsyon na in-charge sa electrification kan mga areas.
