LEGAZPI CITY—Nangapudan an nagkapirang motorista na dapat igwang programa an gobierno kun papano mareresolbaran an paghalangkaw kan presyo nin produktong petrolyo sa nacion.
Segun sa sarong motorista na si Joseph Madrid, sa intrevista kan Bombo Radyo Legazpi, makaherak suboot an mga motorista urog na an warang kwarta o budget sa pagbakal nin krudo.
Pagdoon niya na imbes na ibakal ini para sa iba pang barakalon an igagastos pa sa pagbakal nin produktong petrolyo na magabat sa bulsa an presyo sa ngunyan.
Nagmamawot man si Madrid na mapundo na an giyera sa pagultangan kan Israel, Estados Unidos asin Iran na saro sa mga nakakaapektar kan pagmahal nin presyo kan produktong petrolyo.
Siring man an saiyang pangapudan sa mga oportunistang negosyante na maski papano an dapat nindang matabangan an kapwa niya motorista.
