Dakula an ibinaba kan numero kan mga aking obrero sa nacion hali sa 828,000 kan 2022 pasiring sa 509,000 kan 2024 huli sa pinakusog na kampanya kan gobierno kontra sa child labor.
Segun sa Department of Labor and Employment (DOLE) na resulta ini kan mas makusog na mga programa kan gobierno asin makikipagtabangan sa manlain lain na sektor ngani na mairayo an mga kaakian sa pagtatrabahp asin magtenir sinda sa eskwelahan.
Nangapudan man si Labor Secretary Francis Tolentino sa publiko na magtabang sa pagbubusol kan kalayaan kan mga jovenes hali sa child labor.
Tinawan duon man kan opisyal an importansya kan magkakasabay na paghiro mantang nakikisumaro an Pilipinas sa pagkomemorar kan World Day Against Child Labor 2026 sa irarom kan temang “Red Card to Child Labor: Fair Play for Children, Decent Work for Adults.”
Segun ki Tolentino na pig-eenganyar kan tema an mas mahigot na pagpapaotob kan mga polisiya asin programa na obheto na pugulan asin dagos na matapos an child labor sa nacion.
