LEGAZPI CITY-Nasulo an nagkapirang mga tindahan nin paputok sa magkahiwalay na insidente kasabay kan pagsabat kan Bagong Taon sa Pilipinas.
Basado sa ipigheras na video na kuwa kan sarong netizen, sarong tiendahan nin paputok an nasulo sa may Sumulong Memorial Circle sa Barangay Dela Paz sa Antipolo City.
Pagladawan niya na nagmistulang fireworks display an pagsabat kan Bagong Taon makalihis masulo an mga paputok asin fireworks na pigpapabakal sa nasabing tiendahan.
Sa hiwalay na insidente, nasulo man an sarong bakalan nin paputok sa Market Bulanao sa Tabuk City sa provincia kan Kalinga.
Mahihiling sa mga video hale sa sarong netizen, nagkaigwa nin mahiwasang kasulo na nagsiklab kasabay kan pagputok kan mga fireworks.
Sa presente pigaaram pa kun may nairido sa duwang insidente nin kasulo sa mga tindahan kan paputok.
Basado man sa datos hale sa Bureau of Fire Protections (BFP), nakapagrehistro ini nin 40 insidente nin kasulo huli sa mga paputok kada aldaw kan bulan nin Disyembre kan nakalihis na taon.
