LEGAZPI CITY-Pigako kan Private Hospitals Association of the Philippines Incorporated (PHAPI) na igwa sindang mga miyembro na dai nagtatanggap nin guarantee letters para sa mga indigent na pasyente huli sa pagkaantala kan saindang mga bayad.
An guarantee letters an ipinapaluwas kan gobernador, senators, congressman asin nagkapirang mga opisyal kan gobyerno ngani matabangan an pasyente na makapagbayad sa saindang hospital bills.
Pigkukua an nasabing pambayad sa paagi kan pondo kan Department of Health sa paagi man kan pagsusumitet nin promissory notes.
Sinabi man ni PHAPHI President Dr. Jose Rene De Grano, kan nasambitang anhensiya, na sa Calabarzon pa man sana igwang P400 milyon na bayad para sa guarantee letters sa irarom kan Medical Assistance for Indigent and Financially Incapacitated Patients (MAIFIP) program.
An pagkaantala kan bayad suboot, an makakaapektar sa operating expense kan mga ospital.
Pigsierto na man sa sainda kan Departmetn of Health na igwang bastante na pondo para sa mga delayed na nakakapagbayad kan hospital bills.
