LEGAZPI CITY — Maigot ngunyan an pinaggigibong pagbabantay kan mga lokal na opisyal sa banwaan kan Camalig huli sa huma nin posibleng pagkakaigwa nin lahar flow.
Ini an makalihis an nagkakapirang aldaw ng pag-uran na namamatean sa lugar na posibleng magpalumoy kan deposito kan mga volcanic materials sa Mayon asin magdara kan pigkakahandalang kalamidad.
Sa intrevista kan Bombo Radyo Legazpi kay Kapitan Elmer Grageda kan barangay Quirangay sa nasabing banwaan, sa ngunyan an nakalaalerto suboot an otoridad lalo na ta nagkakapira sa saindang nasasakopan an nasa lahar prone area.
Napag-araman na an Purok 2, 3 asin 6 kan nasabing barangay an komon ng pinag-aagihan kan lahar flow.
Ipighayag man kan opisyal na kan mga nakaaging aldaw sana kan mamatean an pag-uran nin abo o an ashfall na mas maluya na suboot kumpara sa nakaaging aktibidad kan bulkan.
Mientras tanto, siniguro man kan opisyal an aktibong pagbabantay nganing mapangatamanan an seguridad kan publiko.
