LEGAZPI CITY-Binaha an nagkapirang kakalsadahan sa ciudad kan Legazpi huli sa warang patod na paguuran na dara kan epekto kan Shearline asin kan LPA sa rehiyon.
Segun kay Public Safety Office Head Octavio Rivero, sa intrevista kan Bombo Radyo Legazpi na binaha an parte kan Ayala Mall, siring man an lagpas tuhod na pagbabaha sa mga kalye kan Barangay Orosite asin Barangay Bitano.
Nag-apaw suboot an tubig sa mga nasambitang lugar pag-abot nin hapon sa katahawan kan saindang road reblocking asin pagbabantay kan trapiko sa ciudad.
Pagirumdom ni Octavio sa mga motorista na maghanap nin ibang paradahan ngani dai na makadistroso pa sa mga kakalsadahan asin magingat sa pagmamaneho huli sa mahalnas na mga tinampo dara kan padagos na paguuran.
