LEGAZPI CITY- Pigkakahandalan na bumagsak na an nagkapirang mga kaharongan sa Barangay san Roque, Malilipot, Albay huli sa dakulang soil erosion na nangyayari sa lugar.
Sa eksklusibong intrevista kan Bombo Radyo Legazpi kay Kapitan Josefina Biñas, dae na maagihan pa ang tinampo sa barangay na dagos ng nagrasay sa bangin na haros 42 metros an rarom.
May nagkapirang harong naman an harani ng maabot kan soil erosion.
Tulos man na ipigsugo kan lokal na gobyerno an pagpapaebakwar sa haros 50 pamilya sa lugar na paramientras na pigpapadagossa ngunyan sa San Roque Elementary School.
Pinagpaplanohan na kan lokal na gobyerno na i-relocate an mga ini 50 meters hali sa bangin.
Napag-araman na nagpuon an pagrasay nin daga kan pagtama kan Bagyong Reming kan taong 2016 asin lalo pang naglala ngunyan huli sa magkakasunod-sunod na bagyong nag-agi sa provincia.
