LEGAZPI CITY- Nagkaigwa nin pagbaba sa presyo kan bunay sa saradit na sizes alagad nagkaigwa nin paglangkaw sa presyo sa mga darakulang sizes.
Segun ki Philippine Egg Board Association President Francis Uyehara sa intrevista kan Bombo Radyo Legazpi na ini an katakod man liwat kan dikta kan normal na demand sa bunay.
An paglangkaw kan presyo kan langis an naka apektar man sa produksyon asin direktang nagreresulta sa dakulang pagkalugi kan mga farm producers.
Basado sa sitwasyon, nagtetenir na halangkaw presyo sa retail alagad warang pagbabago sa farmgate price.
Sa presente igwang nagkapira na nagbabawas nin ataman na manok ngani na makapag adaptar sa dakulang gastuson asin sa presenteng demand.
Huli digdi, posibleng mamatean sa mga masunod na panahon an hibabang suplay kan manok, kun dae mareresolberan kan gobierno an problema.
Paliwanag ni Uyehara na maski magbalik na sa normal an sitwasyon asin magbaba an presyo kan produktong petrolyo, haloy na panahon pa an hahalaton ngani na makabalik man sa normal an sitwasyon kan mga nagbawas nin ataman na manok.
Aminado man an opisyal na maski pa gustuhon ninda na itaas an presyo kan gabos na sizes nin bunay, dae ninda ini magigibo huli sa dikta kan demand kan nasabing produkto.
