LEGAZPI CITY—Nangapudan an nagkapirang estudyante kan Bicol University na ipagbawal na an paggamit nin smoke canisters sa masunod na BU Hataw.
Ini makalihis na idinara sa ospital an nagkapirang estudyante huli sa nadificilan sa paghangos asin an iba an nadismayo huli sa color smoke na ginamit sa nasabing aktibidad.
Segun sa sarong estudyante kan Bicol University na si Trishia Faye Dometita, sa intrevista kan Bombo Radyo Legazpi, mantang pighihingoa ninda an sarong maogmang aktibidad alagad pigtawan-duon niya na dae man dapat na ipagbugtak sa alanganin an salud kan mga estudyante.
Dapat suboot na igwang paninimbagan sa insidente asin naglalaom sinda na dae na ini mautro sa mga masunod pang okasyon sa eskwelahan.
Dugang ni Dometita na dapat man suboot na pinag-olayan o pinagdebatehan an paggamit kan smoke bombs huli sa aram man an posibleng epekto kaini sa polusyon sa paros.
Pigladawan man niya an nasabing insidente na ‘worst experience’ sa BU Hataw.
