LEGAZPI CITY—Nangapudan an nagkapirang operator kan mga jeepney na maibalik sainda an prangkisa asin matanggal ini sa kooperatiba kasunod kan pagpapaotob kan jeepney modernization program.
Segun ki PISTON Driver/Operator Renato Piolino, sa intrevista kan Bombo Radyo Legazpi, na mantang bako sinda kontra sa modernization alagad sa ibong na banda kontra sinda sa consolidation kun sain magigin saro na sana an prangkisa magin an babalehan nindang koopertiba.
Pighayag man niya na dae makampante sa mga sabi-sabi na wara na suboot nin jeepney phaseout sagkod dae pa nababasura an public transport modernization program kan gobierno.
Sinabi man niya na nalubog sa utang an kadaklan sa mga nagkomple sa naunambitang programa.
Tinawan-doon man ni Piolino na oras na naribayan na an unit nin panibagong modern jeep an bako na ini pagrugaring kan operator kundi kan bilog nang kooperatiba.
Pangapudan niya sa gobierno na tugutan an individual operators na makapag-operate; asin kun nakapagtao sinda nin P36 milyones para sa mga modern jeep an dapat man na tabangan an mga jeepney-operators sa nacion na solamenteng paghahanapbuhay an pagmamaneho.
