LEGAZPI CITY- Nagsagibo na nin ocular inspection an local disaster management officials sa nadiskubreng 100-meter na laba kan visible crack sa Brgy. Maynonong sa banwaan kan Tiwi, Albay.
Enot naman na pigpa-evacuar an nasa 53 na pamilya hale sa Purok 2 asin Purok 3 asin isusunod naman ngonian na aldaw an nasa 50 pang pamilya.
Sa intrevista kan Bombo Radyo Legazpi ki Tiwi Municipal Disaster Risk Reduction and Management Office (MDRRMO) head Manuel Damo, pigkakarkulong nasa 150 metro an lapad kaini asin 50 metro man an langkaw na pighahaditang magbagsak sa dae pa natatapos na epekto kan Tail-End of a Cold Front na nagdadara nin mga pag-uran sa provincia.
Aminado man an opisyal na nagkapira sa mga residente an nagmamatagas na maghale sa lugar alagad todo-paliwanag sa posibleng mas dakulang peligro na kakahampangomn en kaso dae magdangog sa abiso.
Mismong an Mines and Geosciences Bureau (MGB) an nag-apod sa Office of the Civil Defense (OCD) kasuodma tangarig na ipaabot an nasabing impormasyon na tulos man na inaksyunan kan mga concerned offices.
Kasunod man na pag-oolayan an dapit sa posibleng relokasyon asin lugar na pagkakaganan kan mga residente tangarig na maasegurar na salbado an mga ini sa peligro urog na dae na suboot pwedeng magbalik pa an mga ini sa mga binayaang harong.
