Sarong menor de edad na babae an nadukayan sa irarom kan tulay sa Brgy. Fatima, Dasmarinas City, Cavite.
Susog sa report, binisto an biktima na si Jean, estudyante kan San Antonio D Padua, Brgy. Fatima kan nasabing lugar.
Nadukayan an saiyang hawak na haros naagnas asin dae na mabisto huli sa mga bugbog na hitsura kawsa kan mga lugad na nakuwa.
Nasa kustodiya na man kan pulisya an suspek na si alyas Christian na may mga naenot nang kaso kan pagbayolar sa Alarms and Scandal, Disobedience asin RA 9165.
Susog sa imbestigasyon, an bangkay an nadukayang naaagnas kan pirang residente bandang alas-7:30 nin banggi.
Napag-araman na pirang aldaw nang nawawara an biktima hasta sa madukayan an bangkay kaini sa nasabing lugar.
Nagluwas sa imbestigasyon kan pulisya na ginadan suboot an biktima gamit an pulang tela na ipigbugkos sa saiyang liog.
Sinabi kan intimate partner kan biktima na si alyas Maymay, menor de edad, na pigporbaran man siyang gadanon kan suspek.
Isinairarom sa autopsy examination asin deoxyribonucleic acid o DNA an biktima nganing maaraman an kawsa kan saiyang pagkagadan.
