LEGAZPI CITY – Nagpasalamat an muslim community sa publiko mapadapit sa pagrespeto kan saindang tradisyon urog na ngonian na pagtatapos kan Eid al-Fitr.
Segun ki Razul Domadalug, sarong muslim sa intrevista kan Bombo Radyo Legazpi na sarong banal na aldaw para sa sainda asin pigseselebrar ini bilang simbolo kan pagtatapos kan ramadan asin pag-aayuno.
Afuera sa fasting, dae pwedesir suboot sa panahon kan ramadan an pagtataning kan mga mag-agom kada maturog na o maski simpleng paghadok sana sa saindang mga kapareha.
Maski nagtetenir an mga kapwa ninda muslim sa manlain-laing lugar sa kinaban, dae pwedesir na suboot dae iselebrar an Eid al-Fitr.
Pigtaram pa kaini na sa presente an matrayumpo nindang naiselebrar an pagtatapos kan ramadan maski sa normal asin simpleng paagi.
Pigsasanay na an mga omboy na magfasting nganing maipadagos ninda an nasambitang tradisyon maski sain sinda magduman.
Nagin mainit man an pagtrato kan mga Albayano sa mga muslim asin sa saindang kinagisnan na tradisyon kan sarong islam.
Mensahe ni Domadalug sa publiko na irespeto an saindang relihiyon asin tradisyon kan lambang saro.
