LEGAZPI CITY-Liwat na tinanggihan kan Sandiganbayan an mosyon kan mga dating opisyales kan Department of Public Works and Highways (DPWH) na ibasura an P289 million na kasong malversation na isinangat sa sainda katakod kan mga iregularidad sa flood control projects.
Sa sarong resolusyon na may sampulong pahina, ipinaliwanag kan korte na an saindang mosyon para sa rekonsiderasyon saro sanang pag-otro o pag-file giraray.
kan mga “argumento” na yaon sa saindang mosyon para sa pagtugot na mag-file nin demurrer to evidence.
Sinabi pa sa resolusyon na pinag-adalan na asin napagdesisyunan kan Korte an mga nasambit na argumento sa resolusyon na pighahagad para sa rekonsiderasyon.
Pagkatapos na repasohon an ebidensya kan prosekusyon asin an mga argumento kan lambang partido, an Korte nag-konklusyon na an pagtao nin permiso na ibasura an kaso magigin rason sana nin pagkaantala kun kaya, binasura an nasambit na mga mosyon.
Sa ibong kaini, an korte kontra sa korapsyon nagsabi na an mga akusado pwedisir pa man giraray mag-file kan saindang demurrer to evidence na warang permiso kan korte.
Mientras tanto, kasunod kan pagbasura kan saindang mosyon, ini an nagbusol sa sainda maghagad na ipagpaliban an paglilitis asin ipadagos sa maabot na Hunyo 30.
