Nag-init an Minnesota Timberwolves sa Game 3 kan Western Conference Finals makalihis tambakan an Oklahoma City Thunder sa score na 143-101, asin magrehistro nin bagong playoff record para sa saindang franchise.
Pinangenotan ni Anthony Edwards an opensa sa saiyang 30 puntos, mantang si Julius Randle an nagdugang nin 24 points, asin an rookie na si Terrence Shannon Jr. an nag-ambag nin 15 puntos hale sa bench.
Sa pagpopoon pa sana kan kawat, kontrolado na kan Timberwolves an kawat, nagtapos nim 34-14 sa enot na quarter asin luminobo pa sa 72-41 pagsapit nin halftime.
Dae nakabawi an Thunder, partikular na si Shai Gilgeous-Alexander na limitado sa 14 puntos sana.
Sa nasabing pagkagana, nabawasan kan Timberwolves an kalamangan kan Thunder sa serye sa 2-1.
