Nasa rinibong mga residente sa southern China an ipig-ebakwar huli sa warang patod na pag-uran sa lugar na nagresulta sa mahiwas na pagbaha asin mudslides.
Segun sa mga otoridad dakol na buhay an nasa peligro huli sa nasabing kalamidad.
Kan nakalihis na Hunyo 9 nasa 55 na katawo an nagadan makalihis na malubog sa baha an sarong urban areas sa lugar.
Mantang kan nakalihis man na aldaw nasa 47 na katawo an nagadan sa ciudad kan Meizhou sa Guangdong province.
Napag-araman na saro ini sa pinakamatinding nakaeksperyensya nin pagbaha huli naman ta napapalibutan nin salog.
Igwa nin nakaistar na 127 million na residente sa Guangdong province na prone sa mga pagbaha sa bulan kan Abril hasta Setyembre.
