LEGAZPI CITY-–Nakatalaang mapuon nang magbarewas nin financial assistance an gobierno sa mga residentes na nadanyaran an mga harong huli kan bagyong Uwan sa isla provincia kan Catanduanes.
Segun ki Catanduanes Governor Patrick Alain Azanza, sa intrevista kan Bombo Radyo Legazpi, na posibleng pupuonan an enot na bugso kan pagheras nin financial assistane kan Department of Social Welfare and Development sa Biyernes, Disyembre 12.
Makakaresibe suboot nin P5,000 para sa mga partially damaged na harong asin P10,000 para sa totally damaged na harong.
Sinabi man kan gobernador na depende suboot ini sa evaluation kan saindang isinumiter na lista na nag-abot sa 39,003 sa nasabing ahensya.
Pig-asigurar man kan opisyal na padagos man nindang piggibo kaiba an ibang ahensya kan gobierno an gabos nganing matabangan an mga naapektarang namamawaan huli kan nakaaging kalamidad.
