Nagpaluwas nin panibagong pagirumdom an lokal na gobierno kan Manila, na pig-eenganyar an mga residente na magsulog nin face mask huli sa very unhealthy” na kalidad nin paros huli sa padagos na kasulo sa Navotas Sanitary Landfill.
Segun sa Manila City Disaster Risk Reduction and Management Department (Manila City DRRM Department), nagluwas sa air quality sensors na uminabot sa peligrosong antas an polusyon sa paros sa Maynila asin mga pagtaraning na ciudad kasubagong maagahon.
Pinayuhan man an publiko, urog na an harani sa Puregold Tayuman na magtenir sana sa laog kan saindang harong kun bako man importante an pagluwas.
Inenganyar an gabos na magsulog nin face mask bilang proteksyon kontra sa maraot na epekto kan maati na paros, urog na an mga kaakian, senior citizens, bados, asin may mga helang siring kan asthma.
Sa presente kaya, padagos na nasusulo an landfill asin uminabot na sa pigkakarkulo na 28.6 ektarya an naapektaran, anom na aldaw makalihis magpuon an kasulo.
