Legazpi– Labi an kamunduan na namamatian kan mga residente sa India makalihis an pagbagsak kan eroplano kan Air India na guminadan sa mgas lunad kaini.
Sa intrevista kan Bombo Radyo Legazpi kay Peach Kamath, BINC sa Ahmmedabad India, pinagkukunsidirar na pinakadakulang trahedya sa lado kan aviation asin sa medical community an pagbagsak kan eroplano nin Air India na nakaapektar sa buhay asin sa sarong medical facility sa naunambitang lugar.
Maging suboot an Filipino community sa India an labi man an kamunduan n mamamatian huli sa trahedya na nangyari.
Kan nakalihis na aldaw nagbisita naman an Prime Minister kan India sa crash site maging sa sarong survivor na sakay kan eroplano para mailing an mga sitwasyon sa mga apektadong lugar. Mantang an CEO kan Air India an nagbisita na man sa lugar para ma-assess an sitwasyon kan mga apektado.
Igwa na man suboot na mga ospital an nagtataong libreng medical assistance sa mga apektadong indibidwal. Mantang aktibo man an kumunidad sa pagtataong tabang sa biktima na nangangaipo nin tabang arog na lang sa mga nangangaipo nin dugo asin iba pa.
