LEGAZPI CITY-Nakipag-kooperar na an mga residente kan Barangay Buraguis sa mga evacution efforts sa ciudad kan Legazpi.
Segun kay Brgy. Captain Ma. Cristina Ajero, sa intrevista kan Bombo Radyo Legazpi na dai siya nadifisilan huli sa nagin kooperasyon kan mga mga residente sa pag-ebakwar.
Nakapag clearing asin bandilyo man suboot sinda nin atab para sa pre-emptive evacuation kan mga residente orog na sa mga lugar na pigbabaha.
Nasa 297 na pamilya suboot an naebakwar sa Buraguis Elementary School asin kasudma nagpoon na sinda mag-decamp basado sa anunsyo ni Mayor Hisham Ismail.
Nagpapasalamat man an opisyal huli sa dai pagdagos kan bagyo asin warang nanotarang landslide o anuman na pagbabaha sa saindang lugar.
Nagin challenge sana suboot sa sainda an mga electric cable na natumbahan kan mga kahoy kun sain kulang an saindang mga gamit asin manpower alagad tulos man ninda ining pig-aaksiyunan.
Dagdag pa kan opisyal na sa presente, an pighahalat pa ninda an saindang ipinasang report manungod sa mga relif goods ngani makapag-distribwir sa mga residente.
Mientrastanto, pigpapasalamatan man ni Ajero an kooperasyon kan mga residente, sa saiyang mga personnel, mga barangay officials, magin si Mayor Hisham Ismail, huli sa saindang kooperasyon asin padagos na suporta sa saindang barangay.
