Nagpatanid an Movie and Television Review and Classification Board (MTRCB) na magkakanigong penalidad, kabali na an suspensyon o kanselasyon kan mga permit, an itatao sa mga public utility vehicle (PUV) operators na mapalabas nin bako maninigong mga pelikula o video content sa panahon kan pagdakol kan mga biyahero para sa Semana Santa.
Basado sa ipinaluwas na memorandum kan ahensya, an mga operator kan mga bus, pampasaherong barko, asin iba pang common carriers na mahigot na obligado na magpahiling sana nin mga palabas na klasipikado bilang G (General Patronage) asin PG (Parental Guidance) sa laog kan saindang mga behikulo.
Paliwanag ni MTRCB chairperson Lala Sotto na an G rating an nangangahulugan na angkop an palabas para sa gabos, mantang an PG rating an nangangaipo nin giya kan magurang para sa nagkapirang eksena.
Tinawan duon ni Sotto na mayor na katuyuhan kan lakdang na ini iyo an maprotektaran an mga commuters, urog na an mga menor de edad, sa exposure sa bako angkop na materyal.
Nganing masierto an mahigot na implementasyon kan nasabing direktiba, nagdeploy an ahensya kan saindang monitoring and inspection unit nganing magsagibo nin on-ground checks.
An lakdang na ini an parte kan mas mahiwas na kampanya kan ahensya na inaapod na Responsableng Panonood.
 has warned that appropriate penalties, including suspension or cancellation of permits, will be imposed on public utility vehicle (PUV) operators who show inappropriate films or video content during the Easter rush hour.){kind=link}