Pigsugo kan Davao City Regional Trial Court Branch 15 sa mga tauhan kan Philippine National Police (PNP) an paghali sa compound kan Kingdom of Jesus Christ (KOJC) sa naunambitang siudad.
Basado sa tulong pahinang kasuguan na pinirmahan ni Judge Mario Duaves, pinapapundo kan korte an mga aktibidad kan pulisya sa lugar.
Pigpapahali naman sa PNP an mga barriers na nasa entry points kan compound.
An kasuguan an niluwas kasunod kan kamawotan na temporary protection order kan kampo ni Quiboloy huli sa haloy na pagtitinir kan mga tauhan kan gobyerno sa saindang lugar na sambahan.
