Piglalaoman an paghalangkaw kan presyo kan gasolina asin diesel sa maabot na christmas week.
Segun sa Department of Energy, posibleng maghalangkaw an presyo kan gasolina kan ₱0.35 hasta ₱0.70 kada litro, mantang an diesel man an posibleng madugangan nin ₱1.10 hasta ₱1.40 kada litro.
An mga kawsa kan paghalangkaw na ini iyo an pagkusog kan dolyar kan Estados Unidos asin an pagbaba kan imbentaryo nin krudo sa Amerika.
Dugang pa kaini, an padagos na tensyon sa Middle East asin an pagpapalihis kan mga nasyong nagpo-produce nin langis sa paghalangkaw kan produksyon hasta Abril 2025 an nakakaapektar man sa presyo.
An mga kompanya kan langis an kalimitang nag-aanunsyar nin opisyal na pagbabago sa presyo tuyong aldaw kan Lunes, na ipigpapaotob tuyong aldaw nin martes.
