Inanunsyar ni Department of Agriculture (DA) Secretary Francisco Laurel Jr. na ibabale na man an mga paratukdo asin non-teaching personnel gikan sa pampublikong eskwelahan sa P20/kilo rice program puon sa Oktubre ngunyan na taon.
Katakod kaini, nakikipagkooridinar na an ahensya sa Department of Education (DepEd) nganing makapagpreparar sa panibagong yugto kan programa.
Isasapinal na suboot an listahan kan mga benepisyaryo alagad may tyansa na ibale an gabos nin school personnel depende sa salary-grade.
Ipinaliwanag kan DA chief na ipigkonsidera ninda sa paghahanda sa pagpapaotob kan programa an numero kan manpower kan DepEd bilang saro sa pinakadakulang ahensya kan gobierno, na igwang 800,00 paratukdo asin staff sa bilog na nacion.
Target man i-rolyo an P20 na bagas para sa mga school personnel sa Oktubre 15.
 Secretary Francisco Laurel Jr. announced that teachers and non-teaching personnel from public schools will also be included in the P20/kilo rice program starting October of the current year.){kind=link}