LEGAZPI CITY-Kinumpirma kan Department of Education na makakaresibi nin P7,000 na kantidad nin annual medical allowance an mga paratukdo asin non-teaching personnel sa nacion.
Ini an parte kan inisyatibo ni Education Secretary Sonny Angara ngani mapagana an pinansyal na pigpapasan kan mga paratukdo sa saindang medical expenses.
Mawot man kan ahensya na manteniron an healthcare access kan mga ini asin mapauswag an saindang mga salud, ngani magin produktibo bilang mga empleyado kan ahensya.
An kantidad na ini mas halangkaw pa kumpara sa dating P500 na medical allowance.
Sakop kan allowance na ini an mga eligible diagnostic tests na pigtatao sa paagi kan Department of Education (DepEd) order na inisyu kan 2020.
Pigtaram man kan ahensya na ini saro sa pagtalima sa mga direktiba ni President Ferdinand Marcos Jr. na sisiertohon na warang iisipon sa saindang mga gastos an gabos na mga paratukdo kan nacion.
