LEGAZPI CITY-Padagos na pigtangkilik kan mga parabakal an mga tienda sa Daraga Night Market sa Daraga Albay susog sa Market Administrator.
Segun kay Daraga Public Market Market Administrator Themis Lobete sa intrevista kan Bombo Radyo Legazpi na nagdakol na an mga paratienda digdi kun sain dating nasa 290 asin ngonian nasa 379 na.
Dugang pa ni Lobete na kadakol an mawot magtinda sa lugar alagad sa ngonian an pigaaksiptar sana ninda an mismong taga-Daraga na mga paratienda ngani matawanan ini nin oportunidad.
Susog sa rekord, nasa 252 na mga paratienda an hale sa Daraga, 59 hale sa Legazpi, 27 sa Camalig, 10 sa Guinobatan asin 8 an hale sa Sorsogon.
Igwa man nin 5 paratienda an hale sa Malilipot, 4 sa Sto. Domingo, 2 sa Tabaco, asin 1 paratienda an hale sa Bacacay, Camarines Sur, Libod, asin sa Malinao.
Pigkakahampang man na angat sa nasabing merkado an mga waste disposal makalihis an paghale kan mga paratienda.
Pigsasabihan na man suboot an mga paratienda kan saindang mga dapat gibuhon asin pinagoolayan na an amay na pag-designar nin mga paralinig sa lugar.
Pakiolay man kan opisyal sa mga paratienda na igwa sindang responsibilidad sa tamang pag-dispose kan basura asin mawot nindang tiponon na ini ngani mas madali an pagkuwa kan mga paralinig sa lugar.
