LEGAZPI CITY – Dadakupon na asin tatawan nin penalidad kan Gobierno Lokal kan Legazpi an mga mahihiling na nagwawalat asin nagtatapok ki basura sa tamang tapokan sa palibot kan Sawangan Park.
Kasunod ini kan tuminambad na kadakol na basura sa naunambitang lugar makalihis an pagselebrar kan aldaw nin mga puso.
Segun ki Legazpi City Mayor Alfredo Garbin sa intrevista kan Bombo Radyo Legazpi na sa ibong kan may mga existing ordinance an ciudad, an dae na ini matugot na mangyari giraray an naunambitang insidente.
Dae na suboot nawawara an kulang sa disiplina asin nagpapahiling man ini kan saindang mga pag-uugali.
Obserbasyon niya man na pag-abot sa simpleng pagtapok nin basura asin saindang mga kinaunan an dae pa magibo ki maray kan publiko.
Piglinaw niya opisyal na an mga tuminambad na basura na nagviral sa social media an nasa lugar na parte kan pigtutugdok na cruise ship terminal asin likod kan pigpwestuhan kan mga paratienda sa parke.
Simpleng bagay man sana kuta suboot na haloy na dapat naukudan alagad padagos man giraray na nangyayari nin huli ta may mga pabaya na mga tawo.
Pagirumdom niya sa mga paratienda na siring man sa pagsyerto ninda na magtienda ki malinig na pagkaon, dapat na syertuhon man suboot kan mga ini na namamatenir man an kalinigan kan lugar na saindang napwepwestuhan.
Pangapodan kaini sa mga mapasyar sa parke na naabutan ninda na malinig an lugar, syertuhon man dapat na malinig ang Sawangan park sa oras kan pag-ali ninda.
