LEGAZPI CITY-Pig-aabisuhan an mga motorista kan grupo nin mga driver na i-asigurar an seguridad bilang obserbasyon sa Undas ngonian na taon.
Segun ki Basta Driver Safety Enforcer Chairman Ronel Nebres, sa intrevista kan Bombo Radyo Legazpi, na magin alerto sinda orog na sa mga mabisita sa sementeryo huli sa mga nairehistrong mga aksidente sa tinampo.
Padagos man suboot na nakakaeksperyensya nin gabat nin trapiko an mga motorista sa pagdangadang kan Undas.
Pigsasabayan man suboot an naeksperyensyahang gabat nin trapiko an pigsasagibong road reblocking sa Barangay Busay asin Barangay Malabog.
Mientrastanto, magtatao man suboot sinda nin serbisyo sa mga mabisita sa mga sementeryo.
Pakihuron man kan opisyal sa mga paratienda nin burak na dai pag-okuparon an mga pigaagihan nin pedestrians huli sa napapano na nin burak an dapat na sidewalk.
Dapat man suboot na may mag-monitor mapadapit digdi ngani magin maayos an trapiko sa tuyong Undas.
