LEGAZPI CITY—Kabanga an reaksyon kan nagkapirang motorista mapadapit sa pagsuspendir kan road reblocking sa bilog na nacion.
Segun ki Leocadio Orcajo, sarong motorista, sa intrevista kan Bombo Radyo Legazpi, na dapat ipagpadagos na sana an napuonan na konstruksyon huli sa masasayang an itinagamang pondo para digdi.
Sierto man suboot na pagkatapos kan pagpakarhay kan tinampo an mabebenipesyuhan an gabos na mga motorista.
Mientrastanto, segun man ki Rodel Vibal, sarong motorista, sa intrevista kan Bombo Radyo Legazpi, pabor siya na suspendiron an road reblocking huli sa hiling niya na posibleng may ibang plano an gobierno para digdi, asin paramientras man sana suboot an pagsuspendir kan road reblocking.
Dugang man ni Rafael Belga Jr., sarong motorista, sa intrevista kan Bombo Radyo Legazpi, na dapat tapuson na an napuonan na road reblocking huli sa kun isusupendir ini an dakol an posibleng ma-aksidente asin delikado sa mga motorista.
Siring man na maaapektaran suboot kaini an mga nagkaklase asin an mga obrerong pasiring sa saindang mga trabaho.
Magigiromdomang sinuspendir ni Department of Public Works and Highways Secretary Vince Dizon an gabos na road reblocking operations sa nacion makalihis an isyu sa suboot korapsyon.
