Pighagad kan Department of Health an deklarasyon kan national public health emergency for HIV sa nacion.
Ini makalihis na maglangkaw nin hasta sa 500% an numero kan mga joven na Pilipino na tinamaan nin human immunodeficiency virus.
Segun ki Health Secretary Teodoro Herbosa na nasa 500% an ipiglangkaw kan mga tinamaan kan HIV sa mga edad 15-anyos hasta 25-anyos kun sain pinakahalangkaw an nacion sa Western Pacific Region.
Pagbuyagyag pa kan opisyal na sarong 12-anyos na aki an pinaka joven na tinamaan kan helang.
Napag-araman na basado sa datos sa enot na tulong bulan kan presenteng taon, nasa 5,101 na mga kaso na kan human immunodeficiency virus an nairehistro na mas halangkaw sa 3,409 na kumpirmadong kaso sa kaparehong peryodo kan nakalihis na taon.
Nangangahulugan ini na nasa 57 na bagong kaso an nairerehistro kada aldaw puon kan Enero hasta Marso sa presenteng taon.
