LEGAZPI CITY – Nahihiling kan Castilla Municipal Disaster Risk Reduction and Management Office (MDRRMO) na saro sa mga naaksidente sa banwaan an huli sa pagigin kaskasero kan mga driver.
Segun ki Castilla Municipal Disaster Risk Reduction and Management Office (MDRRMO) head Edgar Ardales sa intrevista kan Bombo Radyo Legazpi na kalimitan sa mga naaaksidente iyo an mga joven pa sana asin nag-aadal pa sana magmaneho asin puro nasa liblib na mga barangay nangyayari an mga insidente.
Kadaklan man suboot sa mga ini an nasa impluwensya nin arak kun kaya dae ninda aram kun siisay an may kakulangan sa mga aksidenteng nangyayari.
Maabot na sa 19 mga vehicular accident sa banwaan an saindang narespondehan sa bulan pa sana nin Abril.
Pigdugang pa kan opisyal na basado sa saindang datos, duminakol an naiirehistrong insidente sa enot na apat na bulan kan taon kompara sa kaparehong peryodo kan nakalihis na taon.
Sa kapareho man na datos, dakol man an nagadan asin fatality kun kaya labing makamundo sa saindang lado na may nasasayang na buhay huli sa iresponsableng pagmamaneho.
Paglinaw kaini na bako na sainda bago an mga pagresponde sa anumang klase nin insidente huli ta maski anong klase nin holiday an mantinidong 24/7 an saindang ofisina.
 sees that one of the accidents in the town is due to the drivers' negligence.){kind=link}