LEGAZPI CITY- Magigin abala an mga kapulisan rehiyong Bicol puon ngunyan na aldaw sa pakikipag koordinar sa mga opisina kan Commission on Elections katakod kan pagpupuon kan pagsusunad nin certificate of candicady.
Marurumduman na madurar hasta sa Oktubre 8 an pagsusunad nin kandidatura kan mga mawot na magdalagan sa 2025 elections.
Segun ki Philippine National Police Bicol Director Police BGen. Andre Dizon na aaydentipikaran an mga lugar na kinakaipuhan na maglatag nin mga kapulisan ngani na masierto an seguridad kan mga namamanwaan.
Napag-araman na magkakaigwa man nin temporary transfer sa mga kapulisan na igwang kaparientes na madalagan sa pirilian ngani na dae magkaigwa nin impluwensya sa proseso kan eleksyon.
Pinawi man ni Dizon an posibilidad na magdara nin kariribukan an nagkapirang grupo siring na sana kan Conception criminal gang huli ta basado sa pinakahuring monitoring, nasa luwas suboot kan rehiyon an operasyon kaini.
Magin an provincia kan Masbate an nagtetenir man na matrangkilo asin warang nairerehistrong kadahasan na may kinaaraman sa pirilian.
