LEGAZPI CITY—Igwa nang person of interest ngunyan an mga kapulisan sa nangyaring insidente nin pambabadil sa duwang indibidwal sa Ligao City.
Magigiromdomang saro an binawian nin buhay asin saro an nairido kan pagbabadilon an mga ini kan dae pa nabibistong mga suspek sa barangay Pandan kan nasabing ciudad.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, ini sa tabang kan CCTV footage sa lugar asin sa presente an ipigproseso na an mga ebidensya na nakua sa insidente.
Nagkukundusir na man sinda nin profiling asin pag-interview sa pamilya kan mga biktima asin witnesses.
Dugang niya na naggigibo na man nin request para sa computerized sketch kan saro sa mga suspek na basado sa salaysay kan nairidong biktima.
Nagpapadagos man an imbestigasyon kan mga otoridad asin anumang oras an matatawan na man nin pandok an saro sa mga suspek asin kadugangang detalyes sa nasambitng insidente.
