LEGAZPI CITY – Mahigot na pinagbabawalan sa pangangampanya an mga kandidato sa 2025 Midterm Election sa huwebes asin biyernes santo katakod kan pag-obserba sa semana santa.
Segun ki COMELEC Albay supervisor Atty. Ma. Aurea Bo-Bonao sa intrevista kan Bombo Radyo Legazpi na nakabugtak sa saindang resolution no. 10999 an nasabing mga pagbabawal.
Magigirumduman na nakasaad man sa resolusyon na anuman na kampanya sa eleksyon o political partisan activity para o laban sa sisay man na kandidato an ipinagbabawal asin ikokonsidera bilang election offense na may penalidad sa irarom kan section 263 asin 264 kan Omnibus Election Code.
An mga nasabing aldaw an dapat i-alokar suboot sa pagpapahingalo kan mga katoliko asin sa kagurangnan an pag-obserba kan mahal na araw.
Piglalaoman kan opisyal na susunudon kan mga kandidato an ipigbugtak ninda na mga regulasyon nganing makalikay sa pagkakahampang sa penalidad asin kaso.
Pwedesir na humampang suboot sa pagkakadiskwalipika kan saindang kandidatura asin disqualification to hold public office an mga kandidatong mapapatunayang nagkampanya sa mga nasabing aldaw.
Ipighayag man ni Atty. Bonao na maabot na sa huwebes an mga Automated Counting Machines na hale sa comelec manila asin idadara sa saindang provincial hub.
