LEGAZPI CITY—Nairehistro an sarong insidente nin pananaksak na kinaimbueltohan kan kajovenesan sa ciudad kan Legazpi, Albay.
Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, imbuelto sa insidente sa sarong 19-anyos, residente kan Barangay Bitano kan nasambit na ciudad asin duwang menor-de-edad na residente man kan nasambit na lugar asin kataid na barangay.
Nagpoon suboot an iwal sa iwal nin mga aki sagkod sa uminabot sa punto na nagdara na nin patarom an saro sa mga kajovenesan.
Nangyari an insidente kan pananaksak sa may parte kan sarong mall sa naunambitang ciudad.
Dugang kaini na imbuelto an duwang menor-de-edad sa pananaksak suboot sa biktima.
Mantang an 19-anyos na biktima dinara sa ospital asin nakaluwas na man ini kinaagahan.
Makalihis an insidente an mga ini ipig-turn over sa City Social Welfare and Development Office (CSWD) huli ta dae man pwedesir na kasuhan sa rason na menor-de-edad pa an mga ini.
Mientrastanto, nagpagiromdom man an opisyal sa mga magurang na dae magkulang sa pagbantay kan saindang mga aki.
