Nagpaluwas nin abiso an mga darakulang bangko mapadapit sa paramientras na pagsarado bilang pakisumaro sa Semana Santa.
Puon ngunyan na aldaw, Abril 17, paramientras na masarado an operasyon kan mga nasambitang banko na madurar hanggang sa aldaw kan Sabado, Abril 19.
Liwat na mabalik an normal banking services sa aldaw kan Lunes, Abril 21.
Sa ibong kaini padagos man an serbisyo kan mga automated teller machine (ATM) sa bilog na nacion.
Pinagiromdoman man kan Banko Sentral ng Pilipinas an mga banko na siertohong may access an publiko sa Instapay asin Pesonet services, an duwang electronic fund transfer service sa Pilipinas.
