LEGAZPI CITY- Narekober kan mga otoridad an mga armas makalihis an engkwentro sa pagultanga kan tropa kan gobyerno asin mga rebeldeng New People’s Army sa Sityo Malapinggan, Barangay San Jose, Uson, Masbate.
Segun sa impormasyon na ipinaabot kan 9th Infantry Division, Philippine Army, nagkokundusir nin combat operation sa lugar an mga suldados makalihis na makaresibe nin impormasyon dapit sa presensya nin armadong grupo sa nasambit na lugar.
Nagdurar nin limang minuto an ribayan nin putok sa pagultangan kan duwang lado kun sain tulos man na nagdulag an mga armadong grupo.
Mientrastanto, narekober sa pinangyarihan kan insidente an sarong M16 rifle, mga bala, sarong improvised shot gun, asin mga dokumento.
Katakod kaini, nagpaabot man nin pasasalamat sa publiko an pamayuhan kan kan 9ID sa padagos na pakikipagtabangan kan mga ini ngani na mamantenir na matoninong an komunidad.
