Ipinaliwanag ni House Committee on Justice Vice Chairperson asin San Juan City Rep. Ysabel Maria Zamora na dae pwedesir i-cross examine kan mga abogado ni Vice President Sara Duterte ang mga saksi sa impeachment hearing huli sa preliminary investigation pa sana ini asin bako paglilitis.
Segun ki Zamora maging ang mga abugado kan mga complainant an dae pwedesir na maghapot asin an solamente sanang pwede an miyembro kan Justice committee.
Itinalaan an masunod na hearing kan komite sa Abril 14, 22, asin 29.
Sinabi kaini na kun mai-impeach si Duterte, isasakat kan Kamara an Articles of Impeachment sa Senado na iyong masagibo kan paglilitis asin digdi suboot pwedesir maghapot an mga abogado kan bise presidente sa mga saksi.
Saro sa mga ipinaapod kan Justice committee si Ramil Madriaga na nagsabi na siya an dating “bagman” kan dating presidente.
Sinabi ni Zamora na makikipagkoordinar an komite sa korte asin sa mga law enforcement agency nganing madara si Madriaga sa House impeachment hearing nganing makilatis kan mga kongresista kun nagsasabi ini nin totoo.
Si Madriaga an nakakulong sa Bureau of Jail Management and Penology facility sa laog kan Camp Bagong Diwa sa Taguig City, katakod kan pigkakahampang kaining kidnapping-for-ransom case.
