LEGAZPI CITY—Katuwang an gobierno provincial kan Sorsogon, nagkundusir nin pre-disaster risk assessment an Bulusan Municipal Disaster Risk Reduction Management Office bilang preparasyon sa bagyong Wilma.
Segun ki MDRRMO Bulusan Head Marcky Ragasa, sa intrevista kan Bombo Radyo Legazpi, nagsagibo na sinda nin asssessments asin preparedness measures sa lambang banwaan huli sa pwedesir magin epekto kan naunambitang raot na panahon.
Na-inform man suboot ninda an mga barangay disaster councils, municipal disaster councils, magin an gabos na school heads sa saindang banwaan mapadapit sa pigbabantayang bagyo.
Pig-abisuhan man ninda na ipigbabawal muna an paglawod asin pag-asigurar na maibutak sa mga ligtas na lugar an mga bangka kan mga parasisira.
Siring man an pagpagiromdom sa mga residentes na nakaistar harani sa salog na ipag-monitor an lebel kan tubig.
Mientrastanto, mensahe ni Ragasa sa publiko na magtinir na mag-antabay sa kamugtakan kan panahon asin dae makampante huli sa anuman na oras o aldaw an pwedesir na mag-iba an direksyon kan bagyo.
