LEGAZPI CITY-Padagos an aktibidad kan Bulkang Mayon kun sain nairehistro an effusive eruption sa ika-55 aldaw kan Marso 1.
Nairehistro man an lava effusions asin strombolian activity, susog sa Philippine Institute of Volcanology and Seismology (PHIVOLCS).
Segun sa mga state volcanologist, padagos an pagsabog kan Mayon Volcano na nagkakawsa nagdulot kan incandescent lava flows, pyroclastic density currents (PDC) o “uson”, asin mga rockfall events.
Susog sa Phivolcs, nairehistro an lava effusion asin lava flow sa Basud (3.8 km), Bonga (2.6 km), asin Mi-isi (1.3 km) gullies, kasabay kan minor strombolian activity asin ash emissions.
Magpoon kan Pebrero 28 hasta kan Marso 1 nin pagka-banggi, nairehistro an 22 volcanic earthquakes, 310 rockfall events, asin 7 PDC signals.
Mahihiling man liwat an crater glow o banaag sa bulkang Mayon mantang nag-aabot sa 200 metro an mga plumes na may kairibang moderate emissions.
Nagtetenir man na nasa Alert Level 3 an bulkang Mayon, kaya mahigot man liwat na ipinagbabawal an paglaog sa six-kilometer Permanent Danger Zone (PDZ).
