LEGAZPI CITY – Nakapagrehistro nin dakol na aktibidad an Bulkang Mayon sa nakalihis na mga oras.
Sa latest volcano bulletin na ipigluwas kan Philippine Institute of Volcanology and Seismology (PHIVOLCS), nagkaigwa nin 16 pagyugo asin anom na rockfall events an nasabing bulkan.
Napag-araman na nasa abnormal na lebel an buga kan asupre sa nasabing bulkan makalihis an pinakahudyan na pagsukol kan Hunyo 14 sa 680 tonelada sa laog kan sarong aldaw.
Nagkaigwa man nin diit na paghubag sa edificio, susog sa nakuang datos sa precise leveling asin Global Positioning System (GPS).
Mientras tanto, mantenidong nasa Alert Level 2 status o Moderate Level of Unrest an nasabing bulkan.
