LEGAZPI CITY- Pangapodan kan sarong barangay kapitan sa syudad kan Tabaco na tulos na ipaisi saiya kun nakakaperwisyo an mga materyales na pigkakarga kan mga truck na gikan sa pyer sa nasambitan na lugar.
Enot kaini, nagkapirang residentes suboot an nagrereklamo dapit sa nasambitan na materyales na ingredient sa paggibo nin semento kun sain tuyong maparos, nagkakawsa ini nin alpog sa tinampo asin kun minsan, nagigin kawsa man nin sore eyes kun nakakatama sa mata.
Inako man ni Kormidal Barangay Captain Grace Esminda na haloy nang problema ini maski kan dae pa sya nakatukaw bilang pamayo kan barangay.
Garo suboot basud an nasambitan na materyales na pigdadara kan paros maski igwa na nin nakataklob na trapal an mga truck na may karga kaini.
Sigon pa ki Esminda, duda ninda na sa Palanog sa banwaan kan Camalig pigdadara an materyales na iyo man sana an solamenteng pabrika nin semento sa probinsya.
Sa ngunyan, dae suboot ninda ini pwedesir na kontrolon urog pa na sakop na ini kan International Port alagad kun mapa-blotter an mga naaapektaran na residente, kakaolayon nya an contractor kaini ngani na maaksyunan an haloy nang sentimyento kan nagkapira sa saiyang barangay.
