Legazpi City- Labi an kaogmahan kan Masbateño na kaenot-enoteng Summa Cum Laude sa National Institute of Geological Sciences nakua an rank 1 sa kakatapos lang na Geologist Computer – Based Licensure Examination na ginibo kan Nobyembre.
Sa intrevista kan Bombo Radyo Legazpi kay Leonardo Ceasar Cediño, Top 1, Geologist Computer – Based Licensure Examination , dae naging madali an saiyang inagihan antes na makua an akomplisyemento sa katatapos lang na eksaminasyon.
Sa pag-istorya ni Cediño, sa ngunyan an dae pa ini makapanubod huli sa dae suboot kaini pinaglalaloman na siya an magiging topnacher sa eksaminasyon.
Dugang pa kaini na pinaghalong kaogmahan asin ginhawa an saiyang namamatian huli sa labing kapagalan na sinapar sa pag-aadal para sa board exam.
Segun pa sa topnacher dae naging madali an pinag’agihan antes na makua an trayumpo.
Saro naging angat sa saiya an time management huli sa pressure na namamatian para sa preparasyon sa exam. Uminabot man suboot sa punto na nakamati ini nin pagka’burn-out’.
Naunambitang man kaini na importante na mabalanse an oras kan pag-aadal asin pagpapahingalo para mas maging produktibo an pag-aadal na gigibuhon.
Dugang pa kaini na dakula man na naging parte sa saiyang trayumpo an saiyang pamilya, mga amigo, skwelahan asin mga kabisto bilang support system para abuton asin pagpursigihan an pag-aadal antes na makua an presenteng trayumpo.
Mientras tanto nakadugang man sa pressure kay Cediño an pagiging kaenot-enoting Summa Cum laude sa saindang korso para makakua nin halangkaw na resulta sa exam.
