LEGAZPI CITY- Ipinaliwanag kan mga otoridad an serye nin mga pagyugo na namatean sa nagkapirang mga banwaan sa Masbate sa nakalihis na mga aldaw.
Ini makalaihis na makapagrehistro nin limang serye nin mga linog sa provincia.
Segun ki Masbate Seismic Station Officer in Charge Ronald Dela Cruz sa intrevista kan Bombo Radyo Legazpi na natural sana an arog na mga pangyayari urog pang igwang aktibo na fault zone sa provincia.
Kun aktibo suboot an fault line, komon talaga na nagkakaigwa nin mga pagyugo.
Basado sa datos, nasa magnitude 4.5 an pinakamakusog na linog na nairehistro sa lugar.
Namatean suboot ini sa mga banwaan kan Palanas asin Dimasalang.
Katakod kaini, pinayuhan kan opisyal an publiko na magin mahinahon asin dae mag-panic kasabay kan pagrumdom sa duck, cover and hold, enkasong nakaka eksperyensya nin linog.
