LEGAZPI CITY- halipot alagad makahulugan an nagin pagbati ni Albay Second District Representative Joey Salceda ki Presidente Rodrigo Duterte para sa ika-72 na kumple-anyo kaini ngunyan na aldaw.
Sa Facebook post kaini, inapod ni Salceda na “Mr. President Mayor” an presidente asin nakalaag an nagkapirang kahagadan para digdi kaibana na an pamamayo sa nasyon pasiring sa pagiging “better place,” pagkakapantay-pantay sa laog asin luwas kan nasyon, magin an pagkua sa pangaran kan Pilipinas sa suboot na ‘rightful place’ sa linya kan iba pang mga nasyon.
Kasabay kaini, nagin makahulugan man an huring tataramon na binutasan ni Salceda sa nasambitan na post para sa suboot na mas angat, mas patas asin igwang pagmakulog na nasyon.
Marurumduman na enot na nagin matunog an pangaran kan dating gobernador kan Albay sa nakalihis na eleksyon makalihis na taramon kan presidente na itatao digdi an posisyon bilang director general kan National Economic and Development Authority (NEDA) enkaso makua an pinakahalangkaw na posisyon sa nasyon.
Mientrastanto, dae ini naotob kun sain pinagtutubudan na an pag-endorso kaini sa kampanya kan kalaban ni Duterte sa posisyon na si Sen. Grace Poe an rason kun nata napasiring ki University of the Philippines School of Economics professor Ernesto Pernia an pigtatangro na pwesto.
